ਵਾਹਿਗੁਰੂ ਜੀ ਕਾ ਖ਼ਾਲਸਾ।।  ਵਾਹਿਗੁਰੂ ਜੀ ਕੀ ਫ਼ਤਹਿ।।

    ਗੋਬਿੰਦ ਰਮਾਇਣ ਤੋਂ ਬਾਅਦ ਹੁਣ ਗੋਬਿੰਦ ਗੀਤਾ ਵੀ ਆਈ ਸਾਹਮਣੇ

    ਅੰਮ੍ਰਿਤਸਰ  - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਭਾਸ਼ਨ ਵਿਚ ‘ਗੋਬਿੰਦ ਰਮਾਇਣ’ ਦਾ ਜ਼ਿਕਰ ਕੀਤਾ ਤਾਂ ਬਹੁਤ ਸਾਰੀਆਂ ਸਿੱਖ ਜਥੇਬੰਦੀਆਂ ਨੇ ਪ੍ਰਧਾਨ ਮੰਤਰੀ ਦੇ ਬਾਰੇ ਟਿਪਣੀਆਂ ਸ਼ੁਰੂ ਕਰ ਦਿੱਤੀਆਂ। ਕਦੇ ਕਿਸੇ ਸਿੱਖ ਜਥੇਬੰਦੀ ਨੇ ਇਹ ਨਹੀ ਸੋਚਿਆ ਕਿ ਪਰਦੇ ਪਿੱਛੇ ਸਿੱਖਾਂ ਨੂੰ ਹਿੰਦੂ ਧਰਮ ਦਾ ਹਿੱਸਾ ਦਸਣ ਲਈ ਕੀ ਕੁਝ ਕੀਤਾ ਜਾ ਰਿਹਾ ਹੈ। ਰਾਜਨੀਤਕ ਵਿਅਕਤੀ ਸਿਰਫ ਆਪਣਾ ਸਿਆਸੀ ਭਵਿਖ ਸੋਚ ਕੇ ਕੌਮਘਾਤ ਦੀ ਰਾਜਨੀਤੀ ਦਾ ਹਿੱਸਾ ਬਣਦੇ ਹਨ ਤੇ ਰਾਜਨੀਤਕਾਂ ਦੇ ਰਹਿਮੋਕਰਮ ਤੇ ਬੈਠੇ ਧਾਰਮਿਕ ਵਿਅਕਤੀ ਇਸ ਕਰਕੈ ਚੁੱਪ ਧਾਰ ਜਾਦੇ ਹਨ ਕਿਉਂਕਿ ਉਨਾਂ ਰਾਜਨੀਤਕਾਂ ਦੀ ਜੀ ਹਜੂਰੀ ਕਰਕੇ ਹੀ ਧਾਰਮਿਕ ਲਾਭ ਲੈਣੇ ਹੁੰਦੇ ਹਨ। ਸਾਲ 1999 ਵਿਚ ਖਾਲਸਾ ਪੰਥ ਦੇ 300 ਸਾਲਾ ਸਜਾਨਾ ਪੁਰਬ ਤੇ ਕੇਂਦਰ ਦੀ ਤਤਕਾਲੀ ਵਾਜਪਾਈ ਸਰਕਾਰ ਨੇ 100 ਕਰੋੜ ਰੁਪਏ ਜਾਰੀ ਕੀਤੇ ਸਨ। ਉਸ ਵਿਚੋ ਵਡੀ ਰਾਸ਼ੀ ਆਰ ਐਸ ਐਸ ਨੂੰ ਸਾਡੇ ਆਪਣਿਆ ਨੇ ਭੇਟ ਕਰ ਦਿੱਤੀ ਸੀ। ਇਸ ਰਾਸ਼ੀ ਨਾਲ ਇਕ ਗੁਰਬਾਣੀ ਰਿਸਰਚ ਫਾਉਂਡੇਸ਼ਨ ਦੀ ਸਥਾਪਣਾ ਕੀਤੀ ਗਈ। ਇਸ ਫਾਉਂਡੇਸ਼ਨ ਦੀ ਵਡੀ ਪ੍ਰਪਾਤੀ ਗੋਬਿੰਦ ਗੀਤਾ ਹੈ। ਗੋਬਿੰਦ ਗੀਤਾ ਜਿਸ ਨੂੰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਕ੍ਰਿਤ ਕਹਿ ਕੇ ਪ੍ਰਚਾਰਿਆ ਜਾ ਰਿਹਾ ਹੈ ਨੂੰ ਸਾਲ 2017 ਵਿਚ ਜਾਰੀ ਕੀਤਾ ਗਿਆ। ਇਹ ਪੂਰੀ ਕਿਤਾਬ ਸ੍ਰੀ ਕ੍ਰਿਸ਼ਨ ਵਲੋ ਅਰਜੁਨ ਨੂੰ ਦਿੱਤੇ ਗਏ ਉਪਦੇਸ਼ ਤੇ ਅਧਾਰਿਤ ਹੈ ਜਿਸ ਦਾ ਮੂਲ ਪਾਠ ਗੀਤ ਦੇ ਰੂਪ ਵਿਚ ਮਿਲਦਾ ਹੈ। ਇਸ ਕਿਤਾਬ ਦਾ ਮੁਖ ਬੰਦ ਤਖ਼ਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਨੇ ਲਿਖਿਆ ਹੈ ਤੇ ਉਨਾਂ ਇਸ ਵਿਚ ਲਿਖਿਆ ਹੈ ਕਿ ਸਨਾਤਨ ਗ੍ਰੰਥਾ ਦੀ ਲੜੀ ਵਿਚ ਸ੍ਰੀ ਮਦਭਗਵਦ ਗੀਤਾ ਇਕ ਵਿਚਾਰਤਮਕ ਗ੍ਰੰਥ ਹੈ। ਸ੍ਰੀ ਗੁਰੂ ਸਾਹਿਬ ਨੇ ਇਸ ਉਪਰ ‘ਗੋਬਿੰਦ ਗੀਤਾ’ ਦੇ ਰੂਪ ਵਿਚ ਮਹਾਨ ਸਿਧਾਂਤ ਉਜਾਗਰ ਕੀਤੇ। ਉਜਵਲ ਜੀਵਨ ਪ੍ਰਪਕਤਾ ਨਾਲ ਧਾਰਨ ਕਰਨਾ ਪਵੇਗਾ। ਉਜਵਲ ਜੀਵਨ ਵਾਲੇ ਗੁਰਮੁੱਖ ਖਾਲਸੇ ਦੀ ਚੜਦੀ ਕਲਾ ਲਈ ਗੋਬਿੰਦ ਗੀਤਾ ਅਨਮੋਲ ਖਜਾਨਾ ਹੈ। ਪੁਰਾਤਨ ਖਜਾਨੇ ਵਿਚੋ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਨੇ ਖਾਲਸੇ ਨੂੰ ਮਰਿਯਾਦਾ ਦੀ ਪ੍ਰਪੱਕਤਾ ਨਹੀ ਸ੍ਰੀ ਕ੍ਰਿਸ਼ਨ ਅਰਜੁਨ ਸੰਵਾਦ ਦੀ ਰੂਪ ਰੇਖਾ ਵਾਂਗ ਗੋਬਿੰਦ ਗੀਤਾ ਦੀ ਰਚਨਾ ਕੀਤੀ ਹੈ। ਲੇਖਕ ਦਾਅਵਾ ਕਰਦਾ ਹੈ ਕਿ ਗੁਰੂ ਜੀ ਦੀ ਇਹ ਅੰਮ੍ਰਿਤ ਮਈ ਰਚਨਾ ਗੋਬਿੰਦ ਗੀਤਾ ਸ੍ਰੀ ਦਸਮਗ੍ਰੰਥ ਸਾਹਿਬ ਦਾ ਅਭਿੰਨ ਅੰਗ ਹੈ, ਜੋ ਕਿ ਤਖ਼ਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਵਿਖੇ ਸੁਭਾਏਮਾਨ ਪੁਰਾਤਨ ਹੱਥ ਲਿਖਤ ਸ੍ਰੀ ਦਸਮ ਗ੍ਰੰਥ ਵਿਚ ਅਕਿੰਤ ਹੈ। ਲੇਖਕ ਦਾਅਵਾ ਕਰਦਾ ਹੈ ਕਿ ਬਹੁਤ ਸਮਾਂ ਪਹਿਲਾਂ ਭਾਈ ਗੇਲਾ ਰਾਮ ਐਂਡ ਸੰਨਜ਼ ਮਾਲਕ ਸ੍ਰੀ ਭਾਰਤੀ ਭੰਡਾਰ ਪੁਸਤਕਾਲਯ ਮੁਲਤਾਨ ਤੋ ਪ੍ਰਕਾਸ਼ਿਤ ਹੋਈ ਸੀ। ਹੁਣ ਇਹ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ 350 ਸਾਲਾ ਪ੍ਰਕਾਸ਼ ਪੁਰਬ ਮੌਕੇ ਤੇ ਪੁਨਹ ਪ੍ਰਕਾਸ਼ਿਤ ਹੋਣ ਜਾ ਰਹੀ ਹੈ। ਇਸ ਗੋਬਿੰਦ ਗੀਤਾ ਵਿਚ 18 ਅਧਿਆਏ ਹਨ, ਜਿੰਨਾਂ ਵਿਚ ਪਹਿਲਾ ਅਧਿਆਏ ਅਰਜੁਨ ਵਿਸ਼ਾਦ ਯੋਗ, ਦੂਸਰਾ ਸਾਂਖਯ ਯੋਗ, ਤੀਜਾ ਕਰਮਯੋਗ, ਚੌਥਾ ਗਿਆਨ ਕਰਮ ਸਨਿਆਸ ਯੋਗ, ਪੰਜਵਾ ਕਰਮ ਸਨਿਆਸ ਯੋਗ , ਛੇਵਾਂ ਧਿਯਾਨ ਯੋਗ (ਆਤਮ ਸੰਯਮ ਯੋਗ), ਸਤਵਾਂ ਗਿਆਨ ਵਿਗਿਆਨ ਯੋਗ, ਅਠਵਾਂ ਅਖਰ ਬ੍ਰਹਮ ਯੋਗ, ਨੌਵਾਂ ਰਾਜ ਵਿਦਿਆ- ਰਾਜ ਗੈਹਯ ਯੋਗ, ਦਸਵਾਂ ਵਿਭੁਤੀ ਯੋਗ, ਯਾਰਵਾਂ ਵਿਸ਼ਵ ਰੂਪ ਦਰਸ਼ਨ ਯੋਗ, ਬਾਰਵਾ ਭਗਤੀ ਯੋਗ , ਤੇਰਵਾਂ ਖੇਤਰ ਗਯ ਵਿਭਾਗ ਸੋਗ, ਚੌਦਵਾ, ਗੁਣ ਤ੍ਰੈਯ ਵਿਭਾਗ ਯੋਗ, ਪੰਦਰਵਾਂ ਪਰੁਸ਼ੋਤਮ ਯੋਗ, ਸੋਲਵਾਂ ਦੇਵਾਸੁਰ ਸੰਪਦ ਵਿਭਾਗ ਯੋਗ ਸਤਾਰਵਾਂ ਸ਼੍ਰਧਾ ਤ੍ਰੈਯ ਵਿਭਾਗ ਯੋਗ ਅਤੇ ਅਠਾਰਵਾਂ ਮੌਕਸ਼ ਸੰਨਿਆਸ ਯੋਗ ਸ਼ਾਮਲ ਹੈ। ਇਸ ਗੋਬਿੰਦ ਗੀਤਾ ਦੇ ਸੰਪਾਦਕ ਸੰਤ ਦਰਸ਼ਨ ਸਿੰਘ ਸ਼ਾਸਤਰੀ ਅਤੇ ਸੰਤ ਜਸਵਿੰਦਰ ਸਿੰਘ ਸ਼ਾਸਤਰੀ ਹਨ ਤੇ ਇਨਾਂ ਦੇ ਪਤੇ ਵਜੋ ਨਿਰਮਲ ਸੰਪ੍ਰਦਾਇ ਕਾਸ਼ੀ ਦਸਿਆ ਗਿਆ ਹੈ।

    ਸੈਕਸ਼ਨ-ਏ

    Image

    ਸੈਕਸ਼ਨ-ਬੀ

    Image

    ਸੈਕਸ਼ਨ-ਸੀ

    Image
    Image
    Image
    Image
    Image
    Image
    Image
    Image

    ਵੱਧ ਪੜ੍ਹੀਆਂ ਗਈਆਂ ਖ਼ਬਰਾਂ

    ਜੱਜ ਨੇ ਬਲਾਤਕਾਰੀ ਸੌਦਾ ਸਾਧ ਨੂੰ ਮੌਤ ਦੀ ਸਜ਼ਾ ਦਿੱਤੇ ਜਾਣ ਦੇ ਸੰਕੇਤ ਦਿੱਤੇ

    ਜੱਜ ਨੇ ਬਲਾਤਕਾਰੀ ਸੌਦਾ ਸਾਧ ਨੂੰ ਮੌਤ ਦੀ ਸਜ਼ਾ ਦਿੱਤੇ ਜਾਣ ਦੇ ਸੰਕੇਤ ਦਿੱਤੇ

    ਪੰਚਕੂਲਾ , (ਅਵਤਾਰ ਸਿੰਘ ਚੀਮਾ/ਲੱਖਾ ਸਿੰਘ) - ਬਲਾਤਕਾਰੀ ਸੌਦਾ ਸਾਧ ਗੁਰਮੀਤ ਰਾਮ ਰ...

    ਸੁਮੇਧ ਸੈਣੀ ਦੀ ਗ੍ਰਿਫ਼ਤਾਰੀ ਤੱਕ ਬਰਗਾੜੀ ਮੋਰਚਾ ਜਾਰੀ ਰਹੇਗਾ: ਮੰਡ

    ਸੁਮੇਧ ਸੈਣੀ ਦੀ ਗ੍ਰਿਫ਼ਤਾਰੀ ਤੱਕ ਬਰਗਾੜੀ ਮੋਰਚਾ ਜਾਰੀ ਰਹੇਗਾ: ਮੰਡ

    ਬਠਿੰਡਾ - ਮੁਤਵਾਜ਼ੀ ਜਥੇਦਾਰ ਧਿਆਨ ਸਿੰਘ ਮੰਡ ਨੇ ਐਲਾਨ ਕੀਤਾ ਕਿ ਜਦੋਂ ਤੱਕ ਜਸਟਿਸ ਰ...

    ਕੁੱਝ ਸਵਾਲ ਕਾਮਰੇਡ ਜਤਿੰਦਰ ਪੰਨੂ ਨੂੰ ?

    ਕੁੱਝ ਸਵਾਲ ਕਾਮਰੇਡ ਜਤਿੰਦਰ ਪੰਨੂ ਨੂੰ ?

    ਅੱਜ-ਕੱਲ੍ਹ ਨਵਾਂ ਜ਼ਮਾਨਾ ਅਖ਼ਬਾਰ ਦੇ ਮੁੱਖ ਸੰਪਾਦਕ ਕਾਮਰੇਡ ਜਤਿੰਦਰ ਪੰਨੂ ਦੀ ਇਕ ਵੀਡ...

    ਭਾਈ ਬਲਵੰਤ ਸਿੰਘ ਰਾਜੋਆਣਾ ਵੱਲੋਂ ਅਕਾਲੀ-ਭਾਜਪਾ ਗੱਠਜੋੜ ਨੂੰ ਵੋਟਾਂ ਪਾਉਣ ਦੀ ਅਪੀਲ

    ਭਾਈ ਬਲਵੰਤ ਸਿੰਘ ਰਾਜੋਆਣਾ ਵੱਲੋਂ ਅਕਾਲੀ-ਭਾਜਪਾ ਗੱਠਜੋੜ ਨੂੰ ਵੋਟਾਂ ਪਾਉਣ ਦੀ ਅਪੀਲ

    ਪਟਿਆਲਾ - ਬੇਅੰਤ ਸਿੰਘ ਹੱਤਿਆ ਕੇਸ ਵਿਚ ਫਾਂਸੀ ਦੀ ਸਜਾ ਉਡੀਕ ਰਹੇ ਭਾਈ ਬਲਵੰਤ ਸਿੰਘ...

    ਮੇਰੇ ਬਾਪੂ ਨੇ ਅੱਜ ਤੱਕ ਕੀੜੀ ਨਹੀਂ ਮਾਰੀ: ਸੁਖਬੀਰ ਬਾਦਲ

    ਮੇਰੇ ਬਾਪੂ ਨੇ ਅੱਜ ਤੱਕ ਕੀੜੀ ਨਹੀਂ ਮਾਰੀ: ਸੁਖਬੀਰ ਬਾਦਲ

    ਚੰਡੀਗੜ੍ਹ - ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਹੈ ਕਿ "...

    ਬੇਅਦਬੀ ਕਾਂਡ ਦੀ ਰਿਪੋਰਟ 'ਤੇ ਬਹਿਸ ਤੋਂ ਭੱਜਿਆ ਬਾਦਲ ਦਲ

    ਬੇਅਦਬੀ ਕਾਂਡ ਦੀ ਰਿਪੋਰਟ 'ਤੇ ਬਹਿਸ ਤੋਂ ਭੱਜਿਆ ਬਾਦਲ ਦਲ

    ਚੰਡੀਗੜ੍ਹ- ਬੇਅਦਬੀ ਕਾਂਡ ਬਾਰੇ ਜਸਟਿਸ ਰਣਜੀਤ ਸਿੰਘ ਕਮਿਸਨ ਦੀ ਰਿਪੋਰਟ 'ਤੇ ਵਿਧਾਨ...

    The Sikh Spokesman Newspaper,
    Toronto, Canada.

    Published Every Thursday     
    Email : This email address is being protected from spambots. You need JavaScript enabled to view it. 
    www.sikhspokesman.com
    Canada Tel : 905-497-1216
    India : 94632 16267

     

    Copyright © 2018, All Rights Reserved. Designed by TejInfo.Com